Derrota contundente e demasiado abultada do Pastoricense en Ribadeo

O Pastoricense recibiu o pasado domingo un duro golpe na súa visita ao campo do Ribadeo ao caer derrotado por 3-0. O resultado non da conta do acontecido nos terreos de xogo pois os pupilos de Fiz non mereceron caer cunha diferencia de tres goles. Decisións arbitrais en momentos puntuais do encontro fixeron que a balanza se decantara a favor dun equipo local que non demostrou ser superior ao equipo da Pastoriza nin tampouco ser merecedor do ascendo a Preferente.

O partido foi unha batalla no centro do campo onde as ocasións brillaron pola súa ausencia. Na primeira metade pódese resumir nunha ocasión do Pastoricense a un bo tiro de Carlos dende a frontal e no gol do Ribadeo arrancando dende posíción de fóra de xogo. Na reanudación as cousas seguiron igual. No minuto dez da segunda parte, nunha internada de David Ferreiro na área prodúcese un contacto entre Cami e o xogador ribadense e o colexiado sinala a pena máxima. O propio xogador local recoñeceu que non era penalti pero Chinco non o desaproveitou e estableceu o 2-0.

Con este marcador os homes de Fiz tiveron que volcarse ao ataque e nunha contra Chinco cun formidábel tiro dende 35 metros establecía o 3-0 definitivo. O meta local Viusky foi dos mellores xogadores locais facendo boas intervencións a sendos tiros de Raúl e Farra.

Para dar mostra das escasas ocasiósn locais hai que sinalar que o equipo ribadense non inquietou a meta de Josiño nin tan sequera dispuxo de ningún saque de esquina. A efectividade do equipo ribadense foi o pasado domingo do 100% polo que podemos dicir que foi unha victoria abultada.

Por parte do Pastoricense xogaron: Josiño, Álex, Chilís, Iago, Juanma, Penelas, Mel, Martín, Raúl, Iñaki e Farra. Tamén interviron: Diego Castro, José Ángel, Andrés, Iván e Xose.

O Pastoricense mantén a cuarta praza con 41 puntos a catro do Burela e Ribadeo, segundo e terceiro respectivamente, con 45 puntos. Na vindeira xornada o equipo de Fiz recibe no Acebreiro ao Ferreira, noveno clasificado con 37 puntos.