O Pastoricense visita Ribadeo nunha das saídas máis complicadas que restan na competición

A U.D. Pastoricense afronta este fin de semana un dos partidos máis importantes que lle restan de afrontar como visitante. Será o domingo ás 17.00 horas en Ribadeo, ante o equipo local dirixido por un vello coñecido da afección pastoricense, Manolo Vilachá.

Ao Pastoricense réstanlle catro partidos como visitante, Ribadeo, Escairón, Chantada e Santaballa. E como visitante aínda lle restan cinco enfrontamentos: Ferreira, Valadouro, Brollón, Iberia e Calasancio. Como se pode observar, o partido deste domingo, a priori, preséntase como un dos máis complicados que lle restan á escadra dirixida por Fiz.

De sumar algo positivo o equipo da Pastoriza seguiría manténdose na parte alta da táboa e podería incluso rematar a xornada como segundo da clasificación pois o Burela ten unha visita complicada a Riotorto. Para este encontro Fiz terá as baixas seguras de Fontela e Santi e as dúbidas de Iván e Penelas que se dilucidarán no adestramento de hoxe. O Ribadeo, pola súa banda, terá a baixa de Álvaro, un dos xogadores máis importantes do equipo mariñán.

Para ver o resto da xornada pincha aquí.