O Pastoricense xuvenil recibe ao Sagrado Corazón

A U.D. Pastoricense  xuvenil recibe mañá sábado ás 16.30 horas da tarde ao Sagrado Corazón nun duelo apaixoante da parte alta da tábao clasificatoria. Hai que destacar que os dous equipos sepáraos tan só tres puntos, Sagrado con 37 e Pastoricense con 34. O equipo da Pastoriza conta ademais cun partido menos ante o Cospeito que xogará o vindeiro martes de entroido.

De gañar os dous partidos podería acortar distancias cos equipos que o preceden na clasificación e incluso aproveitarse dalgún pinchazo do líder, o Foz, na súa visita ao campo do Burela, cuarto clasificado. Como se pode observar os enfrontamentos son todos entre os equipos da parte alta polo que sumar nesta xornada é moi importante.

Para o encontro deste fin de semana Raúl terá todo o plantel ao seu dispor polo que presentará un once de sobradas garantías para vencer ao equipo da capital lucense e incluso darlle a volta ao golaverage, xa que no partido de ida o equipo da Pastoriza caeu por 3-2.

Para ver o resto da xornada pincha aquí.