O Pastoricense xuvenil tentará manter o liderado na súa visita ao campo do Iberia

O Pastoricense xuvenil ten un partido moi importante este sábado a partir das 11.30 da mañá no campo das Valgas, en San Miguel de Reinante, ante o Iberia. O equipo dirixido por Raúl tentará acadar unha victoria que o manteña no primeiro posto polo que sumar os tres puntos amósase imprescindíbel. O segundo clasificado, San Ciprián, recibirá na casa ao Lourenzá e o Foz, terceiro, visitará o campo do Xove Lago. A priori, tres encontros onde os tres equipos deberán sumar unha victoria pero que calquera sorpresa pode provocar un cambio de liderado. Tampouco podemos deixar de lado ao Sagrado Corazón, cuarto con 40 puntos, e que esta semana visita o campo da Mina, na Pontenova.

Despois da disputa desta xornada só restarán cinco partidos polo que estamos na recta final onde un tropezo pode apearte definitivamente da loita polo primeiro posto. Na vindeira xornada analizaremos os encontros que restan para os tres equipos á espera da última xornada onde se producirá un apaixoante Pastoricense-San Ciprián e un Sagrado Corazón- Foz. 

Centrándonos no partido da U.D. Pastoricense o equipo dirixido por Raúl contará coa baixa de Reina. O resto dos xogadores, a priori, estarán a disposición do míster.