A U.D. Pastoricense empata ante o Ferreira e mantén a cuarta praza

A U.D. Pastoricense non puido pasar do empate no partido que o enfrontou onte contra o Ferreira no Municipal do Acebreiro. O equipo local dispuxo de ocasións para gañar o partido pero o resultado final amósase xusto posto que o equipo do sur de lugo tamén puido acadar algún gol máis. O equipo que dirixe Fiz mantense así na cuarta posición e recorta un punto ao segundo e terceiro, Ribadeo e Burela respectivamente, tras caer derrotados os dous nos seus encontros desta xornada.

O encontro de onte, o Pastoricense viuse moi rápido cun gol en contra tras un despiste defensivo nunha falta escorada. Mediada a segunda parte, Martín sacaba unha falta dende a fronta que se introducía no fondo das mallas coa colaboración do gardameta visitante que puido facer algo máis para evitar o gol. Antes do empate o Pastoricense marcou outro gol nunha boa xogada de Raúl cun remate de Farra pero o colexiado, erroneamente, sinalou fóra de xogo.

Na segunda parte, os dous equipos dispuxeron de ocasións para poñerse por diante pero o empate a un gol sería o resultado co que se chegaría ao final dos 90 minutos. Un dato a ter en conta é que no partido de ida o resultado tamén foi de 1-1 polo que nun hipotético empate a final de tempada entre os dous equipos contaría o golaverage xeral, que neste momento é favorábel ao Pastoricense con +7, fronte o equipo ferreirense con -2.

Na vindeira xornada, a U.D. visita un campo complicado como é o do Escairón, a pesar de que ocupen a penúltima posición.