Suspendido o partido do Pastoricense-Valadouro con 1-0 para o cadro local

O encontro de onte entre o Pastoricense e o Valadouro resultou máis accidentado do esperado a priori. Así, no minuto 80 do partido o colexiado decretou o final do mesmo tras unha suposta agresión de dous xogadores visitantes á linier, despois de que a U.D. Pastoricense marcara  o 1-0. Neste intre, o cadro visitantes xa contaba con dous homes menos do campo expulsados tras a intervencións desta citada linier.

Segundo se recolleu na acta, dous xogadores do Valadouro, un que xa fora expulsado anteriormente máis un do banquillo agrediron á xuiza de liña, o que provocou a suspensión do encontro. Á espera do que dictamine a Federación, restaban 10 minutos de partido e o cadro local vencía por 1-0, marcado por Farra xusto antes dos feitos narrados.

O partido non tivo grandes ocasións ao longo dos 80 minutos, sobre todo na primeira parte onde o Valadouro se adicou continuamente a perder tempo, conformándose con sumar un punto na súa visita ao Acebreiro. Na segunda parte, as interrupcións foron contínuas tamén, con faltas, perdas de tempo e facendo o partido moi crispado. Ao comezo da segunda parte, un xogador deles foi expulsado por insultar á xuíza de liña, con cartón vermello directo. E uns minutos máis tarde, cando transcurría o minuto 25, o lateral dereito do Valadouro desprazaba o balón para perder tempo e vía a segunda amarela polo que tamén era expulsado. Este mesmo xogador foi o que supostamente agrediu á xuíza de liña.

No encontro de onte, por parte local xogaron: Josiño, Diego Castro, Iago, Cami, Juanma, Mel, Carlos, Diego, Raúl, Iván e Farra. Tamén interviron: Martín, Iñaki, Penelas e Andrés.

O Pastoricense baixa así á sexta posición con 45 puntos á espera do que aconteza neste encontro, onde agardamos sumar os tres puntos que nos situaría cuartos, a tan só un punto do Burela, terceiro, que onte acadou un empate ante o Louernzá. Pola súa banda, o Ribadeo venceu comodamente por 0-3 no campo do colista, o Santaballés. No grupo perseguidor, a Milagrosa vencía por 3-0 ao Bóveda e o Taboada acadaba idéntico resultado na súa visita ao campo do Folgueiro.

Para ver o resto dos resultados desta xornada pincha aquí.