Victoria dos xuvenís que lle permiten continuar no liderado

Os xuvenís do Pastoricense continúan líderes do seu grupo de Primeira Autonómica tras vencer por 0-3 na súa visita ao campo do Iberia. A falta de cinco xornadas para o remate do campionato o equipo da Pastoriza postúlase para acadar a victoria final e disputar a fase de ascenso a Liga Galega.

No partido disputado o pasado sábado o equipo visitante mostrouse moi superior ao equipo de San Miguel de Reinante e o resultado final amósase xusto para os méritos realizados por cada equipo ao longo dos 90 minutos. Os goleadores do Pastoricense foron Canuto por partida dobre e Fernando.

Polo Pastoricense xogaron: Dani, Rafa, Diego López, Iago, Aníbal, Diego, Javi, Canuto, Fernando, Simón e Iván. Tamén interviron: Luis, Cali e Javi Panadeiro.

O San Ciprián, segundo clasificado, tamén venceu no seu enfrontamento contra o Lourenzá por 2-1, mentres que o Foz, terceiro, tamén acadou os tres puntos na súa visita ao campo do Xove ao gañar por 1-5. O Sagrado Corazón, cuarto, gañou por 0-2 na súa visita ao campo da Mina, fronte á Pontenova.

Na vindeira xornada o Pastoricense recibe á Pontenova no campo do Acebreiro, o San Ciprián visita ao colista, o Ribadeo, o Foz visita o campo do Lourenzá e o Sagrado recibe en Lugo ao Alfoz. Unha dura pelexa entre catro equipos por un posto que da opción a disputar a fase de ascenso a Liga Galega. Ao longo desta semana faremos un análise das últimas cinco xornadas para dilucidar un pouco máis as posibilidades de cada equipo.

Para ver o resto da xornada pincha aquí.