Os xuvenís mermados polas baixas reciben ao Lourenzá

A U.D. Pastoricense está atravesando polo momento máis complicado da tempada. Aos resultados non tan positivos das últimas xornadas hai que sumar as baixas por lesións e sancións en homes importantes que lle están impedindo rendir ao seu nivel. En concreto, para o encontro que disputa este sábado no campo municipal do Acebreiro ante o Lourenzá, Raúl non poderá contar con Iván, sancionado; Pirata, motivos persoais; e son dúbida até última hora Dani, Diego e Fernando.

A pesar diso o equipo da Pastoriza saltará ao campo coa mente posta en acadar os tres puntos que o manteñan na parte noble da clasificación e que impida que Foz e San Ciprián se escapen na clasificación. O Lourenzá chega a este encontro oitavo na clasificación con 21 puntos logo de derrotar a semana pasada ao Sagrado Corazón, un dos equipos fortes da categoría. No partido de ida, Pastoricense e Lourenzá empataran sen goles.

Se queres ver o resto da xornada pincha aquí.