O Pastoricense recibe ao Ferreira o domingo ás 16.30

O Pastoricense disputará este fin de semana un novo encontro da Primeira Autonómica, que o enfrontará ao Ferreira no campo do Acabreiro, o domingo ás 16.30 horas. Trala derrota ante o Ribadeo o pasado fin de semana, o equipo dirixido por Fiz tentará volver á senda da victoria e superar así tamén no golaverage particular ao equipo ferreirés.

Para o encontro Fiz contará coas baixas seguras de Fontela, Santi e Andrés, por lesión; e manterá as dúbidas de Iago e Penelas até última hora, que se dilucidarán tralo adestramento desta noite. O Ferreira chega á Pastoriza despois de empatar a 0 como local ante o Valadouro. Hai que lembrar que o equipo de Pantón conta con 37 puntos no seu casilleiro, a catro do Pastoricense, pero cun partido menos, o suspendido fai tres xornadas ante o Brollón. De gañar este partido o Ferreira situaríase a un só punto do equipo pastoricense polo que o encontro do domingo amósase fundamental para continuar cunha distancia determinada con equipos tan perigosos e correosos como o do sur de Lugo.

Ademais, hai que lembrar que o Pastoricense colleitara un punto importante na súa visita a Ferreira de Pantón na primeira volta, con empate a un gol, polo que de acadar unha victoria acadaría tamén o golaverage, o que significaría acadar unha distancia con este equipo de cinco puntos, fundamental para rematar a liga por encima dos mesmos.

Para ver o resto da xornada pincha aquí.