O Pastoricense xuvenil non disputará o partido ante o Xove por incomparecencia do equipo mariñán

O Pastoricense sumará tres puntos mañá sábado sen disputar o encontro que o enfronta ao Xove Lago. O equipo mariñán anunciou xa á Federación así como ao conxunto da Pastoriza que non ten pensado disputar o encontro, tralo acontecido na última xornada disputada ante o San Ciprián. Segundo se recolle na páxina da Federación, o equipo de Xove conta con cinco xogadores sancionados para estar xornadada, tamén o delegado, e incluso se lle impón unha multa polo acontecido cos afeccionados.

Estes incidentes fan que o equipo que dirixe Raúl sumará tres puntos máis que o seguirán mantendo na pelexa polo liderado, á espera do que aconteza no encontro entre o Foz e o San Ciprián, segundo e primeiro, respectivamente.

Por outro lado, a Federación afirma na súa circular sobre as sancións que a acta do partido ante o Cospeito non foi fallada por non chegar en tempo á institución lucense. Por este motivo, o Pastoricense non conta de maneira oficial cos tres puntos do mesmo, trala alineación indebida cometida polo equipo da Feira do Monte. Hai que lembrar que no descando, o colexiado suspendeu o encontro ao cosntatarse que dous xogadores cospeitenses.