O Pastoricense viaxa a Santaballa co obxectivo de asegurar a terceira praza da táboa

O Pastoricense xogará este domingo en Santaballa un encontro que lle permitirá, no caso de sumar os tres puntos, asegurar a terceira praza a falta dunha xornada para o remate da liga. Unha posición que pode declararse como moi exitosa pois a U.D. xogaba por primeira vez nesta categoría, a primeira autonómica, moi competida até o final.

Fiz non poderá contar con Juanma, Santi e Fontela, lesionados, pero disporá do resto dos seus homes para sumar os tres puntos no Campo da Liga. O Santaballés ocupa a derradeira posición e xa está matematicamente descendido pero de seguro que quererá facer un bo papel ante a súa afección e gañar a un dos equipos máis fortes da categoría.

Para ver o resto da xornada pincha aquí.

O Pastoricense xuvenil enfróntase ao San Ciprián coa necesidade de acadar un 3-0

O Pastoricense xuvenil xoga mañá a última xornada ante o San Ciprián contra o que buscará gañar por unha diferenza de tres goles ou máis e despois agardar o tropezo do Foz no campo do Sagrado Corazón e acadar así o título de liga. O obxectivo amósase moi complicado, máis aínda tendo en conta que Raúl non poderá contar con Reina nin con Iván, sancionados, para disputar este encontro.

Ante todo, hai que destacar a boa tempada dos xuvenís da U.D. que pelexaron ata a última xornada polo título de liga, unha escadra de xogadores todos do concello da Pastoriza que defenderon con honra o escudo pastoricense. Ademais, hai que ter en contna tamén que o 90% destes xogadores seguirán sendo xuvenís o ano que vén, onde seguro pelexarán de novo polos postos altos da táboa.

O Pastoricense vence ao Iberia e afiánzase na terceira praza

A Primeira Autonómica chega ao seu fin e, a falla de dúas xornadas, o Pastoricense afiánzase na terceira posición, con catro puntos de ventaxa sobre Ferreira e Burela, os seus perseguidores. Por arriba, todo decidido con Ribadeo e Chantada ascendidos a Preferente. Por abaixo, a disputa segue a ser máxima con tan só un equpo descendido o Santaballés, próximo rival do equipo branco. Os outros catro equipos, pois previsiblemente van ser os descendidos a segunda, todavía segue sen dilucidarse, aínda que parece que Folgueiro, Escairón e, sobre todo, Brollón contan con máis papeletas que o resto. O quinto posto por abaixo neste momento estaría disputado por Calasancio, Iberia e Valadouro. A vindeira xornada, hai un enfrontamento entre Calasancio e Valadouro que podería dilucidar un pouco máis a zona de descenso.

No partido de onte, o Pastoricense foi claramente superior ao Iberia de principio a fin e xa no minuto 5 dispuxo dunha pena máxima que non foi quen de materializar e que poría máis costa abaixo o resto do partido. Pero o cadro local non baixou a súa intensidade e continou atacando unha e outra vez a meta do equipo mariñán ata que mediada a segunda parte un bo centro de Martín remataría no fondo das mallas tras un excelente remate de Carlos, un dos xogadores destacados do partido, e que se estrenaba como goleador pastoricense nesta tempada.

Por parte do Pastoricense xogaron: Josiño, Álex, José Ángel, Cami, Iago, Penelas, Mel, Martín, Iñaki, Raúl e Farra. Tamén xogaron: Andrés, Diego, Diego Castro, Iván e Carlos.

Na vindeira xornada o Pastoricense visita o campo do xa descendido Santaballés e de acadar os tres puntos certificaría a súa terceira posición a falla de unha xornada, mostra da excelente tempada do equipo branco tras estrenarse este ano na Primeira Autonómica. Para ver o resto de resultados desta xornada pincha aquí.

O Pastoricense xuvenil cae na súa visita ao campo do Burela e di practicamente adeus ao campionato

Mal fin de semana para os xuvenís da U.D. Pastoricense que caeron derrotados por 1-0 na súa visita ao campo do Burela. Con este resultado os xogadores da Pastoriza din practicamente adeus ás súas opcións de acadar o campionato a falta dunha xornada para que remate a Liga. Aínda que continúa con opcións reais da victoria final pasarían por gañar por tres goles de diferenza ao San Ciprián na última xornada e que o Foz non vencese na súa visita ao campo do Sagrado Corazón, equipo que non se xoga nada na derradeira xornada. A pesar diso, os homes de Raúl pelexarán até o último minuto para acadar o título de liga.

No partido do sábado a sorte non acompañou aos xogadores pastoricenses que fixeron méritos para acadar polo menos un empate pero o balón non quixo entrar e ao final dos 90 minutos chegouse co resultado de 1-0 a prol do Burela. Por parte da U.D. xogaron: Reina, Rafa, Diego, Iago, Aníbal, Cali, Javi, Canuto, Fernando, Joni e Iván. Tamén interviu Manuel.

Na vindeira semana, como comentabamos, o Pastoricense recibe ao líder o San Ciprián co obxectivo de gañar o partido por máis de tres goles de diferenza e agardar que o Foz non consiga a victoria na súa visita á capital lucense, o que daría o título aos homes de Raúl.

Pastoricense-Iberia, partido para seguir mantendo a terceira praza da táboa

O Pastoricense recibe este fin de semana ao Iberia no municipal do Acebreiro. O encontro terá lugar o domingo ás 17.00 horas no que será o penúltimo partido da tempada na casa e no que o os pupilos de Fiz tentarán acadar unha victoria para seguir mantendo o terceiro posto da táboa unha vez que o ascendo á Autonómica Preferente quedou descartado tralo fin de semana pasado. Aínda que matematicamente hai opcións ata o remate desta xornada parece imposíbel sumar 9 puntos de nove e que o Ribadeo só sume un.

Pero para por un broche de outro á primeira tempada en primeira, nesta nova etapa, da U.D. Pastoricense acadar a terceira posición sería un fito histórico. Na actualidade suma 51 puntos, un máis que o Burela e dous máis que o Taboada. A priori, ao Pastoricense réstanlle tres partidos asequibles, sobre todo se atendemos aos postos que ocupan na táboa Iberia, Santaballés e Calasancio. Pero tamén é certo que a final de tempada son maís complicados os partidos cos da parte baixa, cando se xogan algo, que cos da parte media-alta.

Burela visitará o campo do Ferreira, un duro rival, que tamén ocupa os postos altos da táboa, ao igual que o Bóveda que recibe ao Taboada. O feito de que o Pastoricense xogue de local e os dous seus máis inmediatos perseguidores de visitantes suma un punto a favor dos homes de Fiz que poderían deixar case sentenciada a terceira praza, de sumar os tres puntos, e que os seus rivais non fagan o mesmo nos seus desprazamentos.

Para o encontro do domingo, Fiz non poderá contar con Fontela, Santi e Juanma, lesionados. O resto de homes estarán ao dispor do míster que sacará unha alineación de garantías para tentar dar unha nova alegría á súa afección logo da gran campaña realizada.

O Iberia chega á Pastoriza coa necesidade de sumar tres puntos que o alonxen definitivamente dos postos de perigo da táboa pois nestes momentos ocupa o posto 12º, con 26 puntos, a un do 13º, o Valadouro, e a 3 do 14º, o 15º e o 16º, Escairón, Calasancio e Folgueiro, respectivamente. Unha victoria o domingo daríalles a salvación matemática polo que a motivación do equipo mariñán vai a ser máxima. Hai que lembrar que no partido de ida o cadro pastoricense caeu por 1-0 nun dos peores partidos da tempada da U.D.

Para ver o resto da xornada pincha aquí.

O Pastoricense xuvenil visita o difícil campo do Burela coa necesidade de sumar os tres puntos

Este fin de semana dispútase a penúltima xornada de liga na Primeira Autonómica Xuvenil, un campionato que non pode ter máis emoción ao contar con catro equipos separados por tres puntos, con enfrontamentos entre eles e co obxectivo de todos eles de ser os campións de liga que lles permita disputar a fase de ascenso a Liga Galega.

O Pastoricense disputará o sábado un partido moi difícil coa súa saída ao campo do Burela, quinto clasificado, que non se xoga nada pero que tentará facer un bo partido ante o cadro dirixido por Raúl. O equipo da Pastoriza necesita sumar os tres puntos para na última xornada depender de sí mesmo, no partido que disputará no Acebreiro ante o San Ciprián.

 As posibilidades que se manexan son varias e dependendo dos resultados incluso perdendo este partido podería depender de sí mesmo. Pero o obxectivo dos pastoricenses e acadar a victoria e coa axuda da afección dar o último paso dentro de quince días no municipal do Acebreiro, xa que en Semana Santa non haberá liga.

Para o partido deste fin de semana Raúl contará con tres baixas importantes, debido a unha excursión de fin de curso, como é o caso de Dani, Diego Pirata e Simón. A pesar destas tres ausencias o técnico pastoricense alineará un once de garantías.

O resto de enfrontamentos será o San Ciprián que recibe ao Sagrado Corazón, primeiro contra cuarto, e o Foz recibe ao Cospeito, no partido máis doado dos catro primeiros, a priori. Todos os equipos contan con opcións de ser campións pero un fallo do Sagrado ou do Foz deixaríaos xa apartado do título. Pola súa banda, tanto Pastoricense e San Ciprián contarían con opcíons na última xornada a pesar do que aconteza este fin de semana.

Como se pode observar, a emoción deste campionato está por todo o alto polo que animamos aos afeccionados a acompañar este fin de semana ao equipo a Burela. O clube porá un autobús a disposición dos seus afeccionados para tentar conquistar os tres puntos no campo mariñán.

O Pastoricense enfrontarase ao Valadouro na primeira ronda da Copa Deputación

Cousas do destino farán que o Pastoricense xogue a primeira eliminatoria no campo do Valadouro o vindeiro 22 de maio. Déixovos aquí o calendario da Copa Deputación 2011 de Primeira e Preferente e tamén o link para descargalo e imprimilo.

O Pastoricense cae en Chantada por 3-1 pero mantén o terceiro posto

A U.D. Pastoricense non foi quen onte de conseguir algo positivo na súa visita ao campo de Chantada. Así, o equipo dirixido por Fiz caeu derrotado por 3-1 nun partido onde o cadro local demostrou por que é o campión de liga e mantén unha diferenza de puntos co resto de clasificados. Aínda así, o cadro da Pastoriza tamén demostrou que o terceiro posto que ocupa na táboa é por méritos propios e pelexou ata os últimos minutos por acadar o empate a 2, que ao final remataría no 3-1 definitivo.

Por parte da U.D. Pastoricense xogaron: Josiño, Álex, Cami, Iago, Iñaki, Carlos, Mel, Diego, Martín, Iván e Farra. Tamén interviron: Raúl, Penelas, Andrés, Diego Castro e Peña. O gol do Pastoricense foi obra de Iñaki.

Con este resultado, a U.D. Pastoricense mantén o terceiro posto trala derrota do Burela por 1-2 ante o Ribadeo. Na vindeira xornada o equipo da Pastoriza recibe no Acebreiro ao Iberia, un equipo que pelexa por non descender de categoría polo que chegará á vila chairega co obxectivo de sumar os tres puntos.

Para ver o resto dos resultados de onte pincha aquí.

O Pastoricense xuvenil vence por 2-1 ao Viveiro B e mantén a súa disputa co San Ciprián polo campionato

A U.D. Pastoricense xuvenil cedeu este fin de semana o liderado en favor do San Ciprián a pesar de colleitar unha nova victoria, ante o Viveiro B, por 2-1. A diferencia no golaverage xeral fai que o San Ciprián conte con +43 mentres que o Pastoricense conta con +42. A falla de dúas xornadas a igualdade é máxima, tendo en conta que os vindeiros partidos son enfrontamentos entre os equipos da parte alta da táboa.

Así, a próxima semana o San Ciprián recibe ao Sagrado Corazón, primeiro e cuarto respectivamente, mentres que o Pastoricense viaxará a Burela, quinto na clasificación, para sumar os tres puntos. O Foz, pola súa banda, disputará a priori o partido máis doado, ante o Cospeito, na vila mariñá. Dos posibles resultados ábrese un abano de posibilidades que pode dar como líder, ao final desta xornada, a calquera dos catro equipos. E pase o que pase, salvo o Sagrado Corazón, tanto Pastoricense, como Foz e San Ciprián, contarán con opcións na última xornada. Hai que lembrar que na última xornada, o Pastoricense recibe ao San Ciprián e o Sagrado Corazón ao Foz.

No partido deste sábado, a U.D. Pastoricense tivo que remontar un marcador que se puxo en contra co gol do Viveiro B. Pero as gañas e o empuxe do equipo local posibilitaron unha remontada que se consumou nos últimos minutos. Por parte do Pastoricense xogaron: Reina, Dani, Pirata, Iago, Aníbal, Javi, Canuto, Diego, Fer, Iván e Joni. Tamén xogaron: Simón e Javi Castro. Os goles do Pastoricense foron de Joni e Fer.

Para ver o resto de resultados pincha aquí.

O Pastoricense visita ao campión de Liga o domingo ás 18.30

Os afeccionados ao fútbol poderán gozar este fin de semana cun dos mellores enfrontamentos que se poden dar, na actualidade, na Primeira Autonómica, que enfrontará en Chantada ao equipo local, campión de Liga e ascendido a Preferente, contra o Pastoricense, terceiro e equipo revelación da tempada. Este partido dispútase dous días despois de coñecer que o encontro aprazado entre Pastoricense-Valadouro no minuto 80 pola suposta agresión a unha xuíza de liña deuse por finalizado co resultado de 1-0 para o cadro adestrado por Fiz.

A falla de 4 xornadas para o remate de liga, o equipo pastoricense ocupa a terceira posición a tres puntos do segundo, o Ribadeo, pero co golaverage perdido. Esto permítelle ao equipo mariñán, adestrado por Manolo Vilachá, a posibilidade de cometer un erro, que podería ser este fin de semana na súa visita ao campo do cuarto, o Burela.

A pesar disto, a U.D. Pastoricense tentará sumar os tres puntos en Chantada, algo que non fixo ningún equipo. De feito, nos catorce partidos que disputou o cadro dirixido por Montoto como local gañou trece e só cedeu un empate, recentemente, ante o Escairón.

Para o partido deste fin de semana, Fiz non poderá contar con Fontela e Santi. O resto de xogadores están a disposición do míster para afrontar o partido como visitante máis complicado que lle resta esta tempada. Para ver o resto da xornada pincha aquí.

Os xuvenís do Pastoricense reciben ao Viviero B para defender o seu liderado

Na Primeira Autonómica Xuvenil restan tan só tres xornadas e a cousa non pode estar máis emocionante. Catro equipos en tres puntos e 9 por disputar, e aínda por enriba enfrontamentos entre eles na última xornada. A competición non pode dar máis emoción para estas últimas tres semanas. Á volta de Semana Santa teremos o desenlace final que dictaminará cal equipo é o que disputa a fase de ascenso a Liga Galega. O Pastoricense fará o posíbel e o imposíbel para acadar na mesma posición que ocupa agora, a primeira, e disputar por primeira vez na súa historia a fase de ascenso en Liga Xuvenil.

Pero para acadar este reto ao cadro de Raúl quédanlle tres partidos moi importantes. Para comezar este sábado recibe ao Viveiro B, un equipo que ocupa a sexta posición con 39 puntos e que foi moi irregular ao longo desta liga, cecais debido a súa continua subida e baixada de xogadores que disputan co Vivieiro a Liga Galega. Un punto a ter en conta é que nas últimas cinco xornadas este trasvase non se pode facer polo que ao municipal do Acebreiro virán os xogadores con ficha no Viviero B e non os que xogan na superior categoría.

Este sábado, a partir das 17.00 horas no campo do Acebreiro, o adestrador pastoricense manterá a única dúbida de Fernando, aqueixado dun xeonllo. O resto dos xogadores brancos, a espensas do que aconteza no último adestramento de mañá. O que sí é seguro é que o Pastoricense sacará, como vén acontecendo ao longo de toda a tempada, un once de garantías que de seguro quererá dar unha alegría á súa afección e facerse cos tres puntos que o manteñan, candomenos, empatado a puntos co primeiro ou se o San Ciprián non consigue sumar os tres puntos en Cospeito afrontar o liderado, a falla de dúas xornadas, en solitario. O Foz, pola súa banda, xogará contra o Pol en Bretoña e o Sagrado Corazón recibe ao Burela, cuarto e quinto respectivamente.

Para ver o resto da xornada pincha aquí.

O Pastoricense golea ao Brollón e sube á terceira posición da táboa

A U.D. Pastoricense xogou onte un dos mellores e máis fáciles partidos do que vai de tempada ante o Brollón ao que goleou por 7-1. O encontro tivo un claro dominador do mesmo e o marcador móstrase curto a tenor das ocasións de cada equipo ao longo dos 90 minutos. De feito, o equipo da Pobra contou cunha única ocasión, tras un erro da defensa local, que materializou o seu dianteiro.

Con estes tres puntos e o empate colleitado polo Burela na súa visita ao campo do Cabreiros, a U.D. Pastoricense ocupa o terceiro lugar da clasificación, a tres puntos do Ribadeo, segundo, que se desfixo sen problemas do Calasancio por 3-0. O equipo da Pastoriza suma 51 puntos a falla de catro xornadas, nas que pelexará por non perder comba co segundo clasificado e aproveitar, se se produce un fallo deste, a súa posición na táboa para pelexar polo ascenso a Preferente. Non é un dos obxectivos do cadro Pastoricense pero tampouco se vai renunciar a ocupar unha posición na clasificación final que da mostra do traballo ben feito por xogadores, adestrador e directiva.

No partido de onte, a U.D. Pastoricense contou coa seguinte aliñación: Josiño, Diego Castro (Álex), Iago (Iván), Cami, Juanma, Mel, Penelas (Carlos), Martín (Andrés), Iñaki, Raúl e Farra (Diego). Os goles foron obra de Martín, Farra (2), Mel, Álex, Andrés e un en propia porta.

Os xuvenís recuperan o liderado despois de vencer no campo do Alfoz por 0-2

A emoción vai estar asegurada ata o último minuto no campionato de Primeira Autonómica Xuvenil. A falla de tres xornadas para que remate a liga, os catro primeiros non ceden un punto e continúan na pelexa. Este fin de semana a U.D. Pastoricense recuperou o liderado logo de vencer na súa visita ao campo do Alfoz por 0-2, mentres que o San Ciprián só era capaz de vencer por 0-1 ante o Pol. Este feito fixo que o cadro da Pastoriza recuperara o primeiro posto, tras contar con máis goles marcados que o equipo mariñán.

A U.D. Pastoricense tiña este sábado un dos partidos máis complicados que lle quedaban, ante o Alfoz, sétimo clasificado. Pero os homes de Raúl sabían da importancia de sumar os tres puntos e, a pesar de dúas baixas moi importantes como o porteiro, Reina, e o defensa Diego López, non concederon oportunidades ao cadro alfocense. Ao descanso chegábase con 0-1 no marcador obra de Fernando. E na reanudación, Iván de xogada persoal poñía o 0-2 co que se chegaría ao final do mesmo.

Por parte do Pastoricense xogaron: Dani, Rafa, Iago, Diego, Aníbal, Javi, Canuto, Cali, Fernando, Iván e Joni. Tamén interviron: Simón, Javi Panadeiro e Gabi.

A vindeira xornada o Pastoricense recibe ao Viveiro B, un partido complicado ante o sexto clasificado. Pola súa banda, o San Ciprián volverá xogar de visitante no campo da Fonte, en Cospeito. O Foz, terceiro, medirase ao Pol en Bretoña e, por último, o Sagrado Corazón, cuarto, recibirá no seu campo ao Burela, quinto clasificado.

Volta á realidade deportiva coa visita do Brollón o vindeiro domingo

Despois dunha semana movidiña onde se falou de todo menos de fútbol, tralos incidentes ocurridos entre os xogadores do Valadouro e a xúiza de líña no anterior encontro, que foi suspendido no minuto 80, o Pastoricense volve á senda deportiva coa visita no campo do Acebreiro do Brollón, un equipo que tentará apurar as súas últimas opcións de manter a categoría.

O Pastoricense, pola súa banda, tentará deleitar á súa afección cun bo partido, sen ningún tipo de presión e na procura dunha boa tarde de fútbol que lle permita sumar os tres puntos e mirar a clasificación dende a parte alta, agardando algún erro de Ribadeo e Burela para manter a emoción ata o último minuto. Neste sentido, o Burela, terceiro, visita o campo do Cabreiros, situado na metade da táboa. Pola súa banda, o Ribadeo, segundo, recibe a outro dos implicados na pelexa por non descender, o Calasancio.

O Pastoricense ocupa agora mesmo a sexta posición con 45 puntos á espera do que pase no partido ante o Valadouro, onde gañaba por 1-0 no minuto 80 e no que o equipo visitante contaba con 9 xogadores no campo. A Federación aínda non se pronunciou acerca de si hai que xogar os dez minutos ou se da por finalizado. Vistos os incidentes, o xusto sería que non houbera que repetilo, pero aínda non hai comunicación oficial. Con estos tres puntos, o cadro da Pastoriza colocaríase terceiro, a un punto do Burela e a tres do Ribadeo.

Para o encontro do domingo, Fiz poderá contar con todo o seu plantel agás as xa coñecidas baixas de Fontela e Santi. Para ver o resto da xornada pincha aquí.